အသက်မွေးဝမ်းကျောင်းအထောက်အကူပြုသင်တန်း ဖွင့်လှစ်ခြင်း
နိဒါန်း
၁။ ကျေးလက်ဒေသဖွံ့ဖြိုးတိုးတက်ရေးဦးစီးဌာနသည် စဉ်ဆက်မပြတ် ကျေးလက်ဒေသဖွံ့ဖြိုးရေး လုပ်ငန်းများ ဆောင်ရွက်ရာတွင် ကျေးလက်ဒေသနေပြည်သူများ၏ စွမ်းဆောင်ရည်များ မြှင့်တင်ပေး ရန်နှင့် အသက်မွေးဝမ်းကျောင်းအထောက်အကူပြုသည့် အလုပ်အကိုင်အခွင့်အလမ်းများ ဖန်တီးပေး နိုင်ရန်၊ ဒေသလိုအပ်ချက်နှင့် ကိုက်ညီမှုရှိပြီး ဈေးကွက်သို့တင်ပို့နိုင်မှုများ စသည့်အချက်များပေါ် မူတည်၍ အသက်မွေးဝမ်းကျောင်းသင်တန်းများ ဖွင့်လှစ်ပေးလျက်ရှိပါသည်။ အသက်မွေးဝမ်းကျောင်း သင်တန်းတက်ရောက်ပြီး သင်တန်းသား/သူများ အလုပ်အကိုင်ရရှိရေး၊ ဈေးကွက်ရရှိရေးနှင့် အရင်းအနှီးရရှိရေးအား တတ်နိုင်သမျှ ချိတ်ဆက်ဆောင်ရွက်ပေးလျက်ရှိပါသည်။
ရည်ရွယ်ချက်
၂။ အသက်မွေးဝမ်းကျောင်းအထောက်အကူပြုသင်တန်း ဖွင့်လှစ်ရခြင်း၏ ရည်ရွယ်ချက်များမှာ အောက်ပါအတိုင်းဖြစ်ပါသည် −
(က) ကျေးလက်နေပြည်သူများအတွက် အလုပ်အကိုင်အခွင့်အလမ်းများ ရရှိရေး၊
( ခ) ဝင်ငွေတိုး လုပ်ငန်းများ ပိုမိုတွင်ကျယ်စွာ ဆောင်ရွက်နိုင်လာစေရန်၊
( ဂ) တစ်နိုင်တစ်ပိုင် ကိုယ်ထူကိုယ်ထလုပ်ငန်းများ ဆောင်ရွက်နိုင်စေရန်။
သင်တန်းဧရိယာ
၃။ ပြည်ထောင်စုနယ်မြေ၊ နေပြည်တော်အပါအဝင် တိုင်းဒေသကြီး/ပြည်နယ် (၁၇)ခု၏ ကွပ်ကဲမှုအောက်ရှိ ခရိုင်၊ မြို့နယ်၊ ကျေးရွာအုပ်စုနှင့် ကျေးရွာများတွင် ဖွင့်လှစ်လျက်ရှိပါသည်။ သင်တန်းဧရိယာရွေးချယ်ရာတွင် ခရိုင်/မြို့နယ်များမှ မိမိတို့ သင်တန်းဖွင့်လှစ်မည့်နေရာများအား နယ်မြေလုံခြုံမှု၊ လမ်းပန်းဆက်သွယ်ရေးကောင်းမွန်ပြီး အရင်းအနှီး အလွယ်တကူရရှိနိုင်သည့် မြစိမ်းရောက်ကျေးရွာစီမံကိန်း၊ ကျေးရွာမတည်ရန်ပုံငွေစီမံကိန်း၊ ကျေးရွာစီးပွားမြင့်မားရေး ရန်ပုံငွေ ထူထောင်ခြင်းစီမံကိန်း ကျေးရွာများတွင် ဦးစီးပေးဖွင့်လှစ်ဆောင်ရွက်လျက်ရှိပါသည်။
ဆောင်ရွက်သည့်နည်းလမ်း
၄။ အသက်မွေးဝမ်းကျောင်းအထောက်အကူပြုသင်တန်း ဖွင့်လှစ်ရာတွင် အောက်ဖော်ပြပါ လုပ်ငန်းစဉ်အတိုင်း ဖွင့်လှစ်ဆောင်ရွက်လျက်ရှိပါသည် −
(က) သင်တန်းအမျိုးအစားရွေးချယ်ခြင်း၊
( ခ) သင်တန်းသားရွေးချယ်ခြင်း၊
( ဂ) သင်တန်းတည်နေရာရွေးချယ်ခြင်း၊
(ဃ) သင်တန်းကာလသတ်မှတ်ခြင်း၊
( င) သင်တန်းနည်းပြရွေးချယ်ခြင်း၊
( စ) သင်တန်းပို့ချခြင်း၊
(ဆ) အလုပ်အကိုင်ရရှိရေး၊ အရင်းအနှီးရရှိမှု နှင့် စျေးကွက်ချိတ်ဆက်ပေးခြင်း၊
( ဇ) အစီရင်ခံစာပြုစုတင်ပြခြင်း၊
(ဈ) M&E ဆောင်ရွက်ခြင်း။
အဓိကဖွင့်လှစ်ပို့ချလျက်ရှိသည့် သင်တန်းအုပ်စုများ
၅။ အသက်မွေးဝမ်းကျောင်းအထောက်အကူပြုသင်တန်းများအနေဖြင့် အောက်ဖော်ပြပါ အဓိက သင်တန်းအုပ်စု(၇)မျိုးဖြင့် ဖွင့်လှစ်ပို့ချသွားနိုင်ပါသည် −
(က) စိုက်ပျိုးရေးသင်တန်း၊
( ခ) မွေးမြူရေးနှင့် ကုသရေးသင်တန်း၊
( ဂ) ကွန်ပျူတာသင်တန်း၊
(ဃ) ဒီဇယ်လျှပ်စစ်သင်တန်း၊
( င) လက်သမား/ပန်းရံသင်တန်း၊
( စ) အိမ်တွင်းမှုဆိုင်ရာသင်တန်း၊
(ဆ) အခြားသင်တန်းများ။
အကျိုးကျေးဇူး
၆။ အသက်မွေးဝမ်းကျောင်းအထောက်အကူပြုသင်တန်းများ ဖွင့်လှစ်ပေးခြင်းအားဖြင့် ကျေးလက် ဒေသနေပြည်သူများအတွက် ဒေသနှင့်ကိုက်ညီသော အလုပ်အကိုင်အခွင့်အလမ်းများရရှိ လာပြီး မိသားစုဝင်ငွေတိုးပွားလာခြင်း၊ အိမ်တွင်းမှုကုန်ထုတ်လုပ်ငန်းများအဖြစ် မိသားစု တစ်နိုင်တစ်ပိုင် လုပ်ကိုင်နိုင်ခြင်းနှင့် အသေးစား/ အငယ်စားနှင့် အလတ်စား (MSME) စီးပွားရေးလုပ်ငန်းများ ထူထောင်နိုင်ခြင်း စသည့်အကျိုးကျေးဇူးများ ရရှိလာမည်ဖြစ်ပါသည်။
ဆောင်ရွက်ပြီးစီးမှုအခြေအနေ
၇။ သင်တန်းဖွင့်လှစ်ပေးနိုင်မှု အခြေအနေမှာ ၂၀၁၃−၂၀၁၄ ဘဏ္ဍာရေးနှစ်မှ ၂၀၂၃−၂၀၂၄ ဘဏ္ဍာရေးနှစ်အထိ အသက်မွေးဝမ်းကျောင်း အထောက်အကူပြုသင်တန်း ဖွင့်လှစ်ပေးနိုင်မှုအနေဖြင့် စိုက်ပျိုးရေးသင်တန်း (၈၆၀)ကြိမ်၊ မွေးမြူရေး နှင့်ကုသရေးသင်တန်း (၂၄၀)ကြိမ်၊ ကွန်ပျူတာ သင်တန်း (၃၅၉)ကြိမ်၊ ဒီဇယ်လျှပ်စစ်သင်တန်း (၆၂၉)ကြိမ်၊ လက်သမား/ပန်းရံသင်တန်း (၉၆၅) ကြိမ်၊ အိမ်တွင်းမှုဆိုင်ရာသင်တန်း (၂၂၇၆)ကြိမ်၊ အခြားသင်တန်းများ (၁၅၈၈)ကြိမ်၊ စုစုပေါင်း (၆၉၁၇)ကြိမ်တွင် သင်တန်းသားစုစုပေါင်း (၁၈၉၄၈၇)ဦး အား ဖွင့်လှစ်ပေးနိုင်ခဲ့ပါသည်။ အလုပ်အကိုင် အခွင့်အလမ်း ရရှိမှုအနေဖြင့် ကုမ္ပဏီလုပ်ငန်း လုပ်ကိုင်သူ (၃၂၄၁)ဦး၊ ပုဂ္ဂလိကလုပ်ငန်းလုပ်ကိုင်သူ (၁၆၄၃၆)ဦး၊ ကိုယ်ပိုင်လုပ်ငန်းလုပ်ကိုင်သူ (၅၇၀၅၀)ဦး၊ စုစုပေါင်း အလုပ်အကိုင်ရရှိသူ (၇၆၇၂၇)ဦး ရှိပြီး ရာခိုင်နှုန်းအားဖြင့် (၄၀.၄၉%) ဖြစ်ပါသည်။
| စီမံကိန်းခေါင်းစဉ် | စီမံကိန်းခေါင်းစဉ် ရိုက်ပါ |
| ထောက်ပံ့သည့်အဖွဲ့အစည်း | |
| ပူးပေါင်းဆောင်ရွက်သည့် အဖွဲ့အစည်း | |
| ကာလ | |
| ဆောင်ရွက်သည့်နေရာ/ အကောင်ထည့်ဖော်ဆောင်ရွက်သည့်နေရာ | |
| ရည်ရွယ်ချက် | |
| အကျိုးကျေးဇူးရရှိသူများ | |
| ချဉ်းကပ်သည့်ပုံစံ | |
| လုပ်ဆောင်ချက်များ | |
| အကျိုးကျေးဇူး/ရလာဒ် | |
| ပူးပေါင်းဆောင်ရွက်သည့် အဖွဲ့အစည်းများ၏ လိပ်စာ |
| # | Title | / Total Download |
|---|
